سوالفنا سوالف وأخبار فنية وإجتماعية ، كل مايخص المرأة والجمال
الحياة المهنية هي أول تجارب الحياه الحقيقية، فبعد التخرج من الجامعة تبدا في معرفة اهدافك، وتخطط لاحلامك ومشاريعك المستقبلية، وذلك يحتاج منك مجهود ومثابرة، وان تعمل جاهدا على تطوير نفسك.
هناك مجموعة من الخطوات التي يجب ان تؤخذ في الحسبان وأن تكون علي دراية تامة بها في بداية الحياة المهنية :
-
حدد أهدافك:
كل خريج جديد أول حاجة لازم يفكر فيها هي “أنا عايز أكون إيه”، بمعنى إنك لازم تحدد الهدف اللى عايز توصل له ، ومن هنا بتبدأ تعمل حصر للمجالات اللى بتوفرهالك شهادتك ، طب لو مش عايز أشتغل بشهادتى ، يبقى تفكر بنفسك ” انا حابب اكون إيه” يعنى تفكر فى المجالات اللى بتهواها ومناسبة لإمكانياتك وشايف انك تقدر توصل لإنجاز من خلالها.
-
ضع خطة مالية:
الاستقلال المادي هو أول عنصر في مرحلة مابعد التخرج، بمعنى إنك بتستقل ماديا عن أهلك وبتبدأ فى مرحلة الاعتماد على نفسك ماديا ، بالتالى لابد من وضع خطة مادية بمعنى انك تحدد اهدافك المادية ، وتبدأ فى إدارة دخلك وتحدد اولوياتك واحتياجاتك والتوازن بين مواردك المالية ومصروفاتك ، وتبدأ فى التقليل من التداين من الاهل .
-
وضع خطة عملية لخطواتك:
بعد ماقدرت تحدد هدفك لازم تحدد الخطوات اللى هتتخذها للوصول للهدف ده ، اخترت المجال اللى نفسك تبدأ فيه يبقى تبتدى تحاول تعرف تفاصيله ، الاشخاص والشركات اللى بيشتغلوا فيه ، تبدأ فى عمل دائرة معارف وعلاقات من العاملين بالمجال ، علشان تقدر تفهمه وتعرف خباياه وتعرف الطريق الأصح فيه للبداية من غير ماتضيع وقت .
-
اشتغل على نفسك:
فى اى شغل او اى وظيفة الضمان الوحيد هو الكفاءة ، شهادتك ودراستك الجامعية مش هتضمنلك مكانك ، بالتالى على كل عامل فى مجاله انه يطور نفسه ويشتغل عليها ومنها لازم تعمل ترتيب محدد للكورسات والتدريبات المفيدة فى مجال عملك ،ودلوقتى تقدر من خلال النت تحصل كورسات كتير مجانية مفيدة لسوق العمل ، وتكون على علم مستمر بالتطور اللى بيحصل فى المجال ، وتعمل على انك تحصل أكبر قدر من المعلومات والخبرات الخاصة بشغلك .
5. المجتمع والعقبات:
من اهم العقبات اللى بتقابلنا فى حياتنا هى المجتمع وكلام الناس، بالتالى لازم قبل كل حاجة نعرف ان مفيش حاجة بتعجب كل الناس، بالتالى مش هيكون فى اجماع على اختياراتك، واكيد هيكون فى تأييد من شريحة من مجتمعك، وانتقاد من شريحة أخرى، فلازم يكون عندك نوع من الصبر والاقتناع بالمجال اللى اخترته لنفسك علشان تقدر تواجه الناس وانتقاداتهم.
